Tá Robert Harvey ag staidéar i gColáiste na Tríonóide i mBaile Átha Cliath ar an gcúrsa B.Mus.Ed. Ba mhaith leis a bheith ina mhúinteoir ceoil amach anseo i meánscoil éigin i gContae Laoise, an áit arb as dó. Labhair Antaine Ó Faracháin leis faoina chuid staidéir agus faoina chúlra sa cheol traidisiúnta.

Is léiritheoir raidió le RTÉ é Cathal Póirtéir agus is file é freisin. Labhair Antaine Ó Faracháin leis le gairid faoin obair atá ar bun aige agus faoi na sraitheanna dá chuid is mó a bhfuil sé bródúil astu.

D’eisigh Geraldine Bradley, amhránaí as Contae Ard Mhacha, albam nua dar teideal [i]From the Rising Spring/Cloch Fhuaráin[/i] le déanaí. Chuaigh Antaine Ó Faracháin chun cainte léi le labhairt faoina cuid amhránaíochta.

Tá albam nua dar teideal [i]Wallop the Spot[/i] eisithe le déanaí ag an ngrúpa ceoil Four Men and a Dog, ach níor bhuail an t-albam an spota i dtuairim Antaine Uí Fharacháin.

Tá Tara Connaghan, fidléir arb as Na Gleannta i dTír Chonaill í, díreach tagtha ar ais go hÉirinn tar éis di a bheith ar camchuairt san Fhionlainn. Labhair Antaine Ó Faracháin léi le gairid faoin gcamchuairt sin agus faoina spéis fhairsing sa cheol.

Tá albam úrnua dar teideal Rógaire Dubh curtha amach ag Lorcán Mac Mathúna. Labhair Antaine Ó Faracháin leis an amhránaí óg ó Bhaile Átha Cliath faoin dlúthdhiosca, agus faoi na foinsí inspioráide atá aige.

Tá albam dar teideal [i]Sráid Eoin Shuffle[/i] curtha amach ag an bhfliúiteadóir Aoife Granville as an Daingean i gCiarraí. Labhair Antaine Ó Faracháin léi le deireanas faoin dlúthdhiosca agus faoina cuid ceoil.

Tá Youenn Bothorel, ar fear óg ón mBriotáin é a dhéanann fidleacha den chéad scoth, ina chónaí i mBaile Átha Cliath le blianta anois. Tháinig sé go hÉirinn i dtosach toisc a spéis sa cheol Gaelach agus mar a deir sé féin, na smaointe rómánsacha a bhí aige faoin tír! Labhair Antaine Ó Faracháin leis le déanaí le fáil amach ar fíoraíodh a chuid brionglóidí.

D’fhoilsigh Craobh Naithí de Chomhaltas Ceoltóirí Éireann pacáiste ina bhfuil trí dhlúthdhiosca le déanaí ar áis iontach foghlama agus teagaisc iad don cheol Gaelach. Labhair Antaine Ó Faracháin le Tomás Mac Uileagóid faoin bpacáiste is déanaí seo uathu.

Tá leabhar an-tábhachtach curtha amach ag Pat Mitchell faoi cheol an phíobaire Séamus Ennis. Labhair Antaine Ó Faracháin leis faoin saothar nua seo.

Tá Noel Burke ar dhuine de na déantóirí boghanna is fearr ar domhan agus tá boinn óir bainte aige i roinnt mhaith comórtas idirnáisiúnta. Labhair Antaine Ó Faracháin le gairid leis an gceardaí seo atá ag cur faoi i gCeatharlach.

Bhí ceolchoirm mhór amhránaíochta ar siúl i Loch Garman le déanaí ina raibh breis agus 500 dalta scoile páirteach. Bhí an cheolchoirm seo mar chuid de “Abair Amhrán ar an Sean-nós”, tionscadal de chuid rannóg ealaíon Chomhairle Chontae Loch Garman a bhfuil sé mar aidhm aige amhránaíocht thraidisiúnta an chontae a chur chun cinn sna scoileanna. Labhair Antaine Ó Faracháin le beirt ón gcomhairle atá bainteach leis an tionscnamh, Rosaleen Molloy, Oifigeach Ealaíon an Chontae, agus a comhghleacaí Ann Brazil.

Tá albam nua dar teideal Eithne díreach eisithe ag an amhránaí agus fidléir Eithne Ní Chatháin as Cill Choca i gContae Chill Dara. Labhair Antaine Ó Faracháin léi faoin dlúthdhiosca nua seo.

Tá an fliúiteadóir fíorchumasach as Béal Feirste, Harry Bradley, tar éis a thríú halbam aonair a sheoladh le deireanas, ceann dar teideal The Night-Rambler’s Companion. Ba léir ón slua a bhí i láthair nuair a seoladh é go raibh go leor ar bís le héisteacht leis. Labhair Antaine Ó Faracháin le Harry féachaint céard a choinníonn amuigh ag stánadh ar an ngealach é.

Is píobaire, amhránaí agus damhsóir seite é Terry Moylan, atá ag obair mar chartlannaí leis Na Píobairí Uilleann. Labhair Antaine Ó Faracháin leis, i measc rudaí eile, faoin gceol agus faoi na ceoltóirí a chuaigh i bhfeidhm air in 2006.

Sheol Cruinniú, grúpa ina bhfuil seachtar ceoltóirí óga, albam nua an mhí seo caite ag Féile Cheoil Thraidisiúnta na hInse, i gContae an Chláir. Labhair Antaine Ó Faracháin le Caitlín Nic Gabhann, ball den ghrúpa, faoin mbanna agus faoin dlúthdhiosca nua seo.

Bhí ceardlanna ceoil agus ceolchoirm mhór ar siúl i mBaile an tSaoir le déanaí, a d’eagraigh Craobh Naithí de Chomhaltas Ceoltóirí Éireann. Bhí cúis mhaith acu a bheith ag ceiliúradh mar go bhfuil tríocha bliain caite acu ag seinm ceoil sa cheantar seo i ndeisceart Chontae Bhaile Átha Cliath. Labhair Antaine Ó Faracháin le Tomás Mac Uileagóid faoi stair agus chúlra na craoibhe agus faoin dul chun cinn atá déanta acu ón am a bunaíodh í.

Bhí banfhile ann sa seachtú haois, Líadan, a thit i ngrá le file darbh ainm Cuirithir mac Dobharchon. Is uaithi sin a fhaigheann an “seisear spéirbhan” atá sa ngrúpa ceoil Líadan a n-ainm. Labhair Antaine Ó Faracháin le ball den ghrúpa, Síle Denvir, faoin dlúthdhiosca nua atá díreach eisithe acu agus faoin gcaoi ar tháinig an banna le chéile.

Ceapadh Tim Collins, seinnteoir consairtín den chéad scoth, le déanaí mar Scoláire Fulbright, rud a chiallaíonn go mbeidh sé ag tabhairt aghaidhe ar Nua-Eabhrac go luath le tosú ag léachtóireacht ar cheol dúchasach na hÉireann ansin. Labhair Antaine Ó Faracháin leis faoin scoláireacht spéisiúil seo.

Tá institiúid oideachais ardleibhéil, a bheas ag díriú ar ghnéithe éagsúla de thraidisiúin na hÉireann, curtha ar bun ag grúpa daoine i gContae an Chláir. Tá sé mar aidhm ag an institiúid seo na healaíona traidisiúnta a chaomhnú ina dtimpeallacht dhúchasach féin. “Oidhreacht an Chláir” an t-ainm atá ar an tionscadal agus labhair Antaine Ó Faracháin le Dónal de Barra, duine de na daoine atá ina bhun.

Tá albam nua dar teideal The Fiddler’s Choice eisithe ag an bhfidléir Eileen O’Brien mar chuid de Mháistreacht sa cheol traidisiúnta a rinne sí in Ollscoil Luimnigh. Tá an brabús ón albam seo á bhronnadh ar Ghrúpa Gníomhaíochta Ospidéal an Aonaigh. Labhair Antaine Ó Faracháin le hEileen faoin albam nua seo agus faoin gcúrsa san ollscoil.

Amhráin na Séad – Jewels and Pathways an t-ainm atá ar dhlúthdhiosca nua atá díreach eisithe ag an amhránaí dúchasach Pádraig Ó Cearbhaill, le cabhair ó An Béal Binn. Labhair Antaine Ó Faracháin leis faoin mbailiúchán séad seo atá curtha le chéile aige.

Tá Róisín Nic Dhonncha ag teagasc sa Choláiste Ollscoile, Baile Átha Cliath faoi láthair. Ceoltóir ar an bhfeadóg stáin agus ar an bhfeadóg mhór í agus spéis aici san amhránaíocht freisin - ní nach ionadh ós rud é gur amhránaithe iad a huncail, Josey Sheáin Jeaic, agus a hathair, Johnny Sheáin Jeaic. Labhair Antaine Ó Faracháin léi le déanaí.

Is gearr go mbeidh Bord Chill Dara de Chomhaltas Ceoltóirí Éireann ag cur imeachta dar teideal Ceardlann Earraigh ar siúl ina mbeidh ranganna amhránaíochta agus ceoil, mar aon le ceolchoirm. Labhair Antaine Ó Faracháin le Máire Uí Fhlatharta, duine den choiste eagraithe.

Tá an píobaire uilleann Nollaig Mac Cárthaigh agus a bhean Joyce ag tógáil a gclainne le Gaeilge agus le ceol i mBaile Átha Cliath. Labhair Antaine Ó Faracháin le Nollaig le fáil amach an mbíonn ciúnas acu sa teach riamh!

Tá clú ar Chon “Fada” Ó Drisceoil mar bhoscadóir sa ghrúpa The Four Star Trio ach is amhránaí agus cumadóir amhrán é chomh maith. Labhair sé le hAntaine Ó Faracháin faoin ngrúpa agus faoina chuid amhrán.

Tá ionad cultúrtha in ómós don phíobaire Séamus Mac Aonghuasa lonnaithe san Aill, i gContae Átha Cliath, áit a mbíonn go leor ócáidí a bhaineann leis an gceol traidisiúnta agus rudaí eile nach é, ar bun. Labhair Antaine Ó Faracháin le stiúrthóir an ionaid, Seán Mac Philibín, le fáil amach go díreach céard a bhíonn ar siúl ann agus céard atá ar na bacáin don bhliain úr.

Tá Máire Ní Bheaglaoich tar éis DVD dar teideal Máire Begley’s Kerry Christmas: Christmas Songs, Music and Memories from the West Kerry Gaeltacht agus dlúthdhiosca amhránaíochta dar teideal Rogha Mháire Begley a sheoladh le déanaí. Labhair Antaine Ó Faracháin léi faoin dá dhiosca nua seo.

Is fidléir den scoth í Méabh Ní Eithir a bhfuil cónaí uirthi i mBéal Feirste. Ach ní ag fidléireacht a chaitheann sí a cuid ama ar fad, mar a fuair Antaine Ó Faracháin amach le déanaí nuair a chuaigh sé chun cainte léi.

Is gearr go mbeidh an tOireachtas, féile mhór chultúrtha na Gaeilge, á cheiliúradh arís agus na sluaite ag triall air ó i bhfad is i gcóngar le spraoi a bhaint as. Ach tá fear amháin a bheas ag obair go dian roimh an fhéile agus lena linn, le féachaint chuige go mbainfidh gach duine taitneamh as a bhfuil ar siúl, is é sin, Liam Ó Maolaodha, Stiúrthóir an Oireachtais. Labhair Antaine Ó Faracháin leis le déanaí.