D’fhoghlaim Ruth Nic Giolla Iasachta níos mó le gairid faoin nasc idir tíreolaíocht na Nua-Shéalainne agus seanchas na Maorach.

Bíonn daoine atá an-éagsúil lena chéile ag tabhairt cuairte ar Cape Byron, ach tá ag éirí go han-mhaith leo maireachtáil in aice lena chéile, a deir Bearnaí Ó Doibhlin.

Spreag cuid oibre na heagraíochta Aisling i Londain an stiúrthóir scannán Tom Collins le scannán a dhéanamh mar gheall ar na himircigh Éireannacha sa chathair sin agus anois, mar a mhíníonn Ciara Nic Gabhann, tá seans ann go bhfaighidh an saothar ainmniúchán do Ghradam Oscar.

Táthar ag maíomh go bhfuil mórathruithe i ndán don Oireachtas i mbliana. Ach tá Balor in amhras; ní thagann athrú dá laghad riamh ar an bhféile, dar leis.

Tá albam úrnua dar teideal Rógaire Dubh curtha amach ag Lorcán Mac Mathúna. Labhair Antaine Ó Faracháin leis an amhránaí óg ó Bhaile Átha Cliath faoin dlúthdhiosca, agus faoi na foinsí inspioráide atá aige.

Tá muintir na Stát Aontaithe an-tógtha leis an bpeil Mheiriceánach. Caitheann Brian Ó Broin súil ar stair an spóirt agus ar dhíograis lucht leanúna na bhfoirne.

Thángthas ar neart fionnachtana seandálaíochta i Lìte sna nóchaidí nuair a chuathas i mbun threascairt thrádstórais thréigthe an cheantair. Chuaigh Liz Curtis ar thuras faoi threoir ansin le gairid.

Is mór an trua go bhfuil an “spórt” imithe as spórt, dar le Colm Mac Séalaigh. Caitheann sé a shúil siar ar a óige féin agus an bhéim a cuireadh ar rannpháirtíocht agus ar thaitneamh ar an bpáirc imeartha.

Agus an nasc idir na Sé Chontae agus an Phoblacht ag éirí níos láidre leis, an dtiocfaidh an t-am, a fhiafraíonn Robert McMillen, a bhfeicfidh na paraimíleataigh dhílseacha é seo mar bhagairt.

Sa sliocht seo as leabhar taistil mar gheall ar an bPolainn atá á scríobh ag Alan Desmond agus a fhoilseofar i gceann cúpla mí, tá cur síos ar chuairt a thug an t-údar ar shluachampa géibhinn Majdanek in aice le Lublin, i gcuideachta an amhránaí John Spillane agus an fhile Louis de Paor.

Tá an scannán [i]Kings[/i], a insíonn scéal cairde a chuaigh ar imirce go Londain sna seachtóidí, le feiceáil i bpictiúrlanna in Éirinn faoi láthair. Tá ardmholadh á fháil aige agus táthar ag rá go bhféadfadh sé a bheith san iomaíocht d’ainmniúchán Oscar. Labhair Robert McMillen le Tom Collins, stiúrthóir an scannáin, le gairid.

D’fhoilsigh Cois Life leabhar nua faoi iriseoireacht na Gaeilge, [i]Ar an Taifead: Fís, Fuaim, Focal[/i] le Breandán Delap, i mí Lúnasa. Sa chaibidil seo ón leabhar déantar cíoradh ar na meáin úra agus na dúshláin a gcaithfidh na meáin Ghaeilge aghaidh a thabhairt orthu.

Agus camchuairt díreach críochnaithe ag Kila, tá Colm Ó Snodaigh ag súil le tréimhse níos ciúine agus níos réchúisí, as a dtiocfaidh inspioráid don cheol úr.

Nuair a dúnmharaíodh buachaill óg, Rhys Jones, i Learpholl le gairid, cuireadh an locht láithreach ar thuismitheoirí agus ar dhronga. Ach tá an scéal níos casta ná sin, dar le Tony Birtill.

Déantar léirmheas sa cholún seo ar leabhair Ghaeilge agus Bhéarla, ag baint le réimsí éagsúla. An mhí seo: [i]Buaic[/i] (Cois Life), le Dermot Somers. Léirmheas le hAifric Mac Aodha.

Tá an plódú tráchta ag dul chun donais i mBaile Átha Cliath, mar sin an bhfuil sé in am dúinn éirí as na gluaisteáin, a fhiafraíonn Pádraig Mac Éamoinn.