Beidh Caoimhe Ní Laighin ag feidhmiú mar eagarthóir ar Beo! ó eagrán na míosa seo ar aghaidh. Tá sí ag teacht i gcomharbacht ar Éamonn Ó Dónaill, a d’éirigh as a phost mar eagarthóir i mí Mheán Fómhair ach a bheidh fós ag obair leis an iris ar bhonn comhairliúcháin.Is as Tír in Iúr i mBaile Átha Cliath ó dhúchas í Caoimhe agus tá sí ag scríobh do Beo! ó bhí 2004 ann. Tá bunchéim aici san iriseoireacht ó Institiúid Teicneolaíochta Bhaile Átha Cliath. Bhain sí céim MSc amach i nGnó agus i dTeicneolaíocht an Eolais le Fiontar, Ollscoil Chathair Bhaile Átha Cliath in 2005 agus chaith sí seal ag obair ina dhiaidh sin le Ciste na Gaeilge i gCoimisiún Scannán agus Teilifíse Thuaisceart Éireann.

Tá cónaí uirthi i gCorcaigh anois.