Chaith an Dr Caoilfhionn Nic Pháidín fiche bliain ag plé le hobair acadúil san Acadamh Ríoga, go dtí go bhfuair sí post mar Stiúrthóir ar Fiontar in Ollscoil Chathair Bhaile Átha Cliath i 1999. Labhair Aoife Nic Cormaic léi faoin dul chun cinn atá déanta aige ó chuaigh sí i mbun na hoibre sin ceithre bliana ó shin.

Tá grúpa bunaithe chun brú a chur ar na húdaráis aird faoi leith a tharraingt ar na hoibrithe tarrthála a fuair bás i Nua-Eabhrac ar an 11 Meán Fómhair, 2001 de bharr an ionsaí sceimhlitheoireachta. Mar a mhíníonn Tom Deignan, áfach, is moladh conspóideach é seo.

Thóg sé tamall fada ar Chiara Nic Gabhann an áit ar a dtugtar an Sean-Mhuileann a aimsiú i gCill Dara ach b’fhiú an iarracht a dhéanamh, dar léi.

D’éirigh Bob Burke as a phost mar fhiaclóir i mBaltimore, Maryland anuraidh ach ní hionann sin is a rá go bhfuil sé ar tí éirí as a chuid iarrachtaí an Ghaeilge a chur chun cinn ina thír dhúchais.

Sa tsraith seo, tugann Beo! cuairt ar Ghaeltachtaí na hÉireann. In alt na míosa seo, tá cur síos ag Proinsias Mac a’ Bhaird ar Árainn Mhór, an t-oileán amach ó chósta Chontae Dhún na nGall.

Fliúiteadóir agus píobaire é Seán Ryan as Chicago. Tháinig sé go hÉirinn áit ar thit sé i ngrá le fidléir cumasach as Contae Dhoire darb ainm Clodagh Boylan. Níorbh fhada gur sciob sé leis í anonn go dtí an chathair ghaofar. Labhair Antaine Ó Faracháin leis faoin ngrá agus faoin gceol.

Is mian leis an Rialtas san Astráil straitéis nua margaíochta a chur i bhfeidhm chun dul i ngleic leis an laghdú i líon na dturasóirí atá ag tabhairte cuairte ar an tír le roinnt blianta anuas. Tuairisc ó Dháithí Ó Colchúin.

Tá go leor tráchta i nuachtáin ar fud an domhain ar dhul go tóin poill na loinge Cabin Fever amach ó chósta Thoraí, ach tá a chuid teoiricí féin ag Balor mar gheall ar an eachtra.

Tá an t-uafás ceoil le fáil ar an idirlíon anois, cé go bhfuil srianta áirithe i gceist, i gcás chóras Apple, mar shampla. Tuairisc ó Dhiarmaid Mac Mathúna.

Nuair a dhiúltaigh Coimisiún na hEorpa ceadúnas a thabhairt don bhád ollmhór iascaireachta The Atlantic Dawn, rinne Rialtas na hÉireann stocaireacht ar son an úinéara. Measann go leor daoine anois, áfach, go mbeidh gnáth-iascairí na tíre seo thíos leis an stocaireacht sin, mar a mhíníonn Dónall Ó Maolfabhail.

San alt rialta seo, ceistíonn Beo! duine as eagras, comhlacht nó institiúid de chuid na Gaeilge faoin obair atá á déanamh acu. An mhí seo: Antoine Ó Coileáin, Gael Linn, Baile Átha Cliath.

D’fhreastail Liz Curtis ar chaint faoi Phapua Thiar i mBaile Átha Cliath le déanaí agus chuala sí cur síos ar an ghéarleanúint atá á himirt ag an Indinéis ar mhuintir na tíre sin.

Seo sliocht as An Geall, úrscéal d’fhoghlaimeoirí le Liam Mac Uistín, a bhfuil foclóirín le fáil ann. Is scéal é faoi fhear óg atá ar an drabhlás ó bhain sé duais mhór sa Lotó agus a bhfuil ag teip ar a shláinte dá bharr. Tugann sé geall go mbeidh sé ábalta a bheatha a shaothrú ar feadh sé mhí gan a bheith i dtuilleamaí ar a chuid airgid. An éireoidh leis nó an bhfillfidh sé ar an drabhlás agus ar an saol bog?

D’fhéadfadh toradh dearfach a bheith ar an choimhlint go léir atá ar siúl idir baill an UUP le tamall anuas, dar le Robert McMillen.

Bíonn spárálaí scáileáin de ghrianghraif as ceantair éagsúla, cinn Ghaeltachta san áireamh, le fáil i ngach eagrán de Beo!. An mhí seo: Árainn Mhór, Contae Dhún na nGall. Tá Beo! faoi chomhaoin ag www.arainnmhor.com as ucht cead a thabhairt na grianghraif seo a úsáid.

Tá díomá ar Cholm Mac Séalaigh go bhfuil go leor d’údaráis an Chumainn Lúthchleas Gael ar nós cuma liom faoin iomáint.

Sa tsraith seo, cuireann Róise Ní Bhaoill agus Gordon McCoy cora cainte agus focail i láthair atá le fáil sa Ghaeltacht ach nach mbeadh ar eolas ag mórán de lucht foghlamtha na Gaeilge. Díríonn siad ar théama faoi leith gach mí. An mhí seo: ag bogadh go teach nua.

Sheas Tony Birtill an fód i gcoinne an chiníochais sa choláiste ina bhfuil sé ag obair agus d’éirigh leis damáistí agus leithscéal poiblí a fháil.

Ní hiad na cáiníocóirí san Aontas Eorpach amháin atá thíos le polasaithe talmhaíochta an Aontais, ach lucht an tríú domhain chomh maith. Tá dóchas ann, áfach, a deir Uinsionn Mac Dubhghaill, go dtiocfaidh feabhas ar chúrsaí sna blianta atá amach romhainn nuair a chuirfear i bhfeidhm an leasú ar an gComhbheartas Talmhaíochta.