Chinn An Bord Pleanála ag deireadh mhí an Mheithimh diúltú don chead pleanála le haghaidh líne ardvóltais 110 kV a thógáil trí iarthuaisceart Dhún na nGall, cead a bhí tugtha ag Comhairle Contae Dhún na nGall do Bhord Soláthair an Leictreachais (BSL).

Le ceiliúradh a dhéanamh ar bhoinn airgid na hÉireann, nach mbeidh á n-úsáid againn níos mó roimh i bhfad, rinne an t-ealaíontóir Annette Crump rilífeanna bunaithe ar an dearadh atá le feiceáil ar na boinn chopair.

An t-ilchultúrachas - sin an chéad rud a thug mé faoi deara agus mé i mBoston. Chuir sé iontas orm meascán chomh mór sin daoine a bheith ag maireachtáil le chéile in aon áit amháin - daoine geala, daoine dubha, lucht na Spáinnise agus an dream ón Áis. Thairis sin ní dhearna mé mórán machnaimh ar cheist na gciní, cé go raibh na cúrsaí seo go mór i mbéal an phobail agus mé ag fágáil “the old country”, mar a thugtar ar Éirinn anseo.

“Antaine,” a deir sé, “tá scéala agam duit. Ní chreidfidh tú é. Tá Ceol le dúnadh!” “Huh? Tá tú ag magadh!” “Nílim. Tá sé le dúnadh - ag deireadh na bliana, sílim.”

Scríobh chugainn! Más mian leat tuairim a chur in iúl faoi ábhar na hirise nó faoi aon rud eile, scríobh chugainn ag litreacha@beo.ie. Mura mian leat go gcuirfí do theachtaireacht i gcló, cuir na focail “Ná cuirtear i gcló” roimh an teachtaireacht, le do thoil.

Rogha na Míosa

Thóg sé tamall, cúig bliana is fiche ar fad, ach sa deireadh thiar thall beidh amharclann nua ag muintir Dhoire Cholm Cille. Beidh an Millennium Forum Theatre and Conference Centre ag oscailt a cuid doirse den chéad uair ag deireadh mhí Lúnasa le clár leathan, éagsúil agus bríomhar.

Ábhar d’fhoghlaimeoirí ag an mheán- agus ardleibhéalMaterial for learners at intermediate and advanced levels

Tá cáil ar Jim Larkin mar dhuine a bhí go hiomlán in aghaidh na dí. Nuair a bhí sé ag obair mar shaoiste sna dugaí i Learpholl i 1903, cuir i gcás, ní raibh sé sásta pá a thabhairt do na dugairí sa teach tábhairne, mar a bhí sé de nós ag na saoistí eile a dhéanamh, agus ní raibh seans ag fear ar bith a raibh boladh dí ón anáil post a fháil le Larkin.

Tá Reuben Ó Conluain ag tarraingt ar Festival Interceltique Lorient, Féile idir-Cheilteach sa Bhriotáin, le cúig bliana déag anuas. Déanann sé cur síos anseo ar fhéile na bliana seo, an 31ú, a bheidh ar siúl idir 3-12 Lúnasa.

Míníonn Robert McMillen cén fáth a bhfuil polaiteoirí áirithe aontachtacha, leithéidí David Burnside agus Jeffrey Donaldson, chomh mór sin i gcoinne aon athrú a dhéanamh ar an RUC.

Aréir bhíos ag léamh leabhair a foilsíodh sna 1960í faoi choincheap an chaipitil dhaonna agus b’ionadh liom an dul chun cinn atá déanta againn mar shochaí ach b’ionadh liom níos mó an easpa dul chun cinn ar bhealaí eile.

Cé go bhfuil Baltimore Technologies go mór sa nuacht faoi láthair, is beag duine a bhfuil a fhios aige go díreach cad a dhéanann siad. Sin fadhb atá ag cuid mhaith comhlachtaí atá bainteach le slándáil ar an idirlíon - is réimse chomh casta sin é nach dtuigeann daoine cad atá i gceist.

Beidh spárálaí scáileáin de ghrianghraif as ceantar Gaeltachta le fáil i ngach eagrán de Beo. An mhí seo: Gaeltachtaí na Mumhan.

Chuile uair a fhógraítear go bhfuil leaid óg ceithre bliana déag d’aois ag dul anonn go leithéidí Arsenal nó Manchester United, ó chlub sacair Éireannach éigin ar nós Belvedere, cloiseann muid an port céanna i gcónaí: cén t-ionadh go bhfuil sraith sacair na hÉireann chomh lag sin nuair atá na himreoirí is fearr sa tír á mealladh trasna na farraige chuig clubanna móra na Breataine?

Is bean í an tSiúr Stanislaus Kennedy a bhfuil blianta fada caite aici ag troid ar son chearta na ndaoine bochta in Éirinn. Labhair Ailín Ní Chonchúir léi faoin obair atá idir lámha aici.

Sa tsraith seo, cuireann Róise Ní Bhaoill agus Gordon McCoy cora cainte agus focail i láthair atá le fáil sa Ghaeltacht ach nach mbeadh ar eolas ag mórán de lucht foghlamtha na Gaeilge. Díríonn siad ar théama faoi leith gach mí. An mhí seo: Cúrsaí óil (ar lean.)