Is clár é “Barrscéalta” ar Raidió na Gaeltachta a thugann guth do na gnáthdhaoine in iarthuaisceart Thír Chonaill. Labhair Colm Ó Dúlacháin le láithreoir an chláir, Áine Ní Churráin.

Tá trí bhonn uile Éireann ag Dara Ó Cinnéide agus ba é a bhí mar chaptaen ar fhoireann bhuacach Chiarraí i gcluiche ceannais na hÉireann 2004. Tá sé ag baint a shlí bheatha amach sna meáin anois. Ghaibh sé isteach chun cainte le Caitríona Budhlaeir i nDún Chíomháin, Baile an Fheirtéaraigh. Fear séimh, socair gan aon fhuadar fé agus ba léir go bhfuil an chaid, an Ghaelainn agus Corca Dhuibhne go smior ann.

Táthar ag maíomh go bhfuil mórathruithe i ndán don Oireachtas i mbliana. Ach tá Balor in amhras; ní thagann athrú dá laghad riamh ar an bhféile, dar leis.

D’fhoilsigh Craobh Naithí de Chomhaltas Ceoltóirí Éireann pacáiste ina bhfuil trí dhlúthdhiosca le déanaí ar áis iontach foghlama agus teagaisc iad don cheol Gaelach. Labhair Antaine Ó Faracháin le Tomás Mac Uileagóid faoin bpacáiste is déanaí seo uathu.

Tá gnóthaí ag téamh i SAM an mhí seo ach dar le Brian Ó Broin, ní gnóthaí aimsire is bun leis an ardú teasa an iarraidh seo, ach corraíl pholaitíochta a d’fhéadfadh cor a chur i leagan amach polaitíocht SAM ar an mórgóir.

Tá impleachtaí maidir le príobháideacht ag na clibeanna atá comhlachtaí ag brath a chur ar earraí amach anseo, dar le Diarmaid Mac Mathúna.

Chaith Diarmuid Johnson oíche Nollag i measc daoine gan dídean i bPoznań na Polainne bliain go ham seo.

Más slat tomhais dúinn abhus scéal geilleagair na Fionlainne, ní réiteach gasta atá i ndán dúinn in Éirinn, dar le Ciarán Mac Aonghusa.

Bhí Balor na Fadfhulaingthe faoi bhrú treoir na Bliana Úire a sholáthar do lucht léite na liarlóige seo, Beo ar Éigean agus é ag iarraidh fanacht glan ar na cantaláin a chuireann a gcuid ama amú á léamh. Is é a gháir chatha feasta: Éalaímis as an Duibheagán!

Roghnaítear idir chuimhní agus dhíchuimhní nuair is gar don chnámh a théann an scéal agus mar sin atá leagan coitianta staire na hAstráile dar le Bearnaí Ó Doibhlin.

Beidh spárálaí scáileáin de ghrianghraif as ceantar Gaeltachta le fáil i ngach eagrán de Beo. An mhí seo: Gleann Cholm Cille, Contae Dhún na nGall.

Tá iniúchadh déanta ag Maidhc Ó Cathail ar scéal Iosrael agus ar ghné an tSíónachais ó cuireadh Stát Iosrael ar bun. Chaith sé súil ar chuid dá bhfuil ráite agus ar chuid dá bhfuil dearmadta roimh thoghchán na hUachtaránachta i Stáit Aontaithe Mheiriceá.

Chuir Ciara Nic Gabhann spéis i scéal an ghrá a cuireadh ar fionnraí san Ostáir seachtó bliain ó shin agus a bhláthaigh i ndeireadh báire san Úcráin le deireanas.

Tá dráma nua trítheangach á léiriú sa Bhreatain Bheag agus in Éirinn i mí an Mhárta a dhíríonn ar thréimhse staire a bhfuil an-suim ag Tony Birtill inti.

Ní lia tír ná córas míchothromaíochta agus ní taise do chóras oideachais na hAstráile é dar le Bearnaí Ó Doibhlin.