CÚRSAÍ TEICNEOLAÍOCHTA
Is Múinteoirí agus Daltaí Sinn ar Fad
Roseanne Smith Roseanne Smith Roseanne Smith

Bhí Roseanne Smith ag gearradh bealaigh siar go deisceart Mhaigh Eo nuair a bhí an t-alt seo nach mór foilsithe, chuig comhdháil spéisiúil, saothrach, an Congregation, a eagraíodh go cliste.

Íomhá
An tAire Oideachais le dalta Ghaelscoil Uí Néill, Oileán an Ghuail
(le Feidhmeannas na Sé Chontae ar Flickr)
Íomhá
Helpout
Íomhá
Caisleán Cheapach Chorcóige Thoir, Conga Féichín
(le CuddyBear82 ar Vicipéid)
Íomhá
Meireangaí ag amharc go maith
(le Jim Crossley ar Flickr)

Tá sé de nós ag an saol mór ceist a chur ar Google nuair nach dtuigeann siad rud éigin. Cé mhéad uinge sa ghram? Cad is ainm don aisteoir in Mac Gyver? Conas a ghineann tú dragúin Ender i Minecraft? (Ní fheadar bhfuil an ceann deireanach i do stair cuardaigh History Google…? Bhuel…) Cuireann sé íonadh ormsa a laghad uair is nach féidir leis an slua ar líne ceist a fhreagairt.

Le cúpla bliain anuas tá béím as cuimse curtha ag Google ar fhíseanna a chur chun cinn sna torthaí cuardaigh. Ar ndóigh d’fhás seo as úsáid na seirbhíse YouTube ar a d’íoc siad $1.65 billiún i 2006. Nuair is modh déanta atá i gceist agat, tá na torthaí sin ina gcabhair mhór. Conas a dhéantar meireangaí, nó meireangaí? Seo, físeáin. Cinnte tá roinnt díobh nach fiú trí mheandar ded’ shaol a chur amú ach tá neart gur fiú athbhreathnú orthu arís is arís eile.

Go minic leis na físeáin YouTube ina mínítear conas rud éigin a dhéanamh, bíonn siad gar dó, ach dá b’fhéadfaí ceist a chur láithreach leis na uibheacha do na meireangaí os do chomhair amach, chabhródh sin i bhfad níos mó arís. Ar deireadh, bíonn an deis ann an cheist a chíoradh le saineolaí ar líne gan stró.

Fíorchuidiú na bhFíréan in Am Fíor

An mhí seo caite seoladh Google Helpouts: cabhair ó shaineolaí nuair atá sé uait, nó mar a mhíonn Google ‘Real help from real people in real time.’ Tá ar a laghad beirt ann faoi láthair a bheadh ar fáil anois chun ceacht meireangaí a thabhairt dom.

neart saineolaithe is múinteoirí ann cheana agus tá Google ag coinneáil súil ghéar orthu agus ar chaighdeán a gcuid oibre. Tá roinnt comhlachtaí ann freisin atá sásta comhairle a thabhairt a bhaineann lena dtairgí freisin. Tá an comhlacht smididh, Sephora, ag cur saineolaí ar fáil chun ceachtanna smidte a thabhairt Helpouts Google. Tá neart comhlachtaí DFÉ ann chun cabhair a thabhairt don mhaisitheoir tí leis an gcéad togra eile. Tá na comhlachtaí seo sásta na ceachtanna seo a chur ar fáil saor in aisce don chuid is mó.

Gearrann Google 20% de phraghas an ‘Helpoutseachas iad siúd atá saori reimse na sláinte. Molann siad a bheith coimeádach leis na táillí agus an gréasán chomh nua is atá. Tá roinnt ábhair Support Google nach bhfuil siad ag glacadh leo a thuilleadh ar feadh tréimhse freisin.

comhairle sláinte agus leighis ar fáil ann, rud a chuirfeadh buairt ar roinnt daoine ó thaobh príobháideacht de. Ina leith sin, tá Google HIPAA comhlíontach (http://www.hhs.gov/ocr/privacy/) ach ní fheadar an fiú é sin don AE? Tá coinníollacha ar leith (Support Google) ag baint le comhairle sláinte a fháil trí Helpout.

Ceachtanna Gaeilge ar an Idirlíon

an uirlis nua seo ó Google pléite agam le cúpla duine a bhaineadh leas as agus an rud a dúirt roinnt díobh ná céard faoi fhadhbanna teicniúla? Más ea, tá rathaíocht ann go bhfaightear táillí ar ais muna bhfuil an dalta sásta. Ach an freagra atá agamsa air sin ná is minic go mbíonn fadhbanna teicniúla i ngnáthrang agus ní iarrtar airgead ar ais. Is dócha nár éirigh le hoiread is ceann amháin de na turgnaimh fisice a rinne ár múinteoir meánscoile. Dá bhféadfainn an t-airgead a fháil ar ais, bheinn saibhir…!

An chéad rud a smaoinigh mé air a luaithe is a chuala mé faoi seo (ar an bpodchraoladh iontach For Immediate Release ná go mbeadh sé foirfe fá choinne ceachtanna Gaeilge nó teanga ar bith. Tá neart múinteoirí teanga ar fáil ann cheana ach níl duine ar bith ag múineadh na Gaeilge. Ní ghearrfaidh mise ach táille 5% duit as an nod seo.

Is ag caint ar chabhair is mé ag scríóbh an ailt seo bhí mé ag tabhairt aghaidh ar Chonga, Co., Maigh Eo chun páirt a ghlacadh i gcomhdháil an-speisialta agus spéisiúil ar 30 Samhain. Comhdháil ar na meáin sóisialta atá ann dar teideal, Congregation.ie. Níl aon chostas ar thicéad iontrála, níl aon eochair cainteora, níl aon chainteoir ar leith in aon chor, níl halla mór comhdhála do na toscairí ar fad ach tá neart tae agus caife.

Leagan Amach Cliste

Chun ticéad a fháil caithfear páipéar a scríobh i bhfoirm blagmhír (seo m’iontráil http://bit.ly/RoseanneCongregation). Ar an lá eagraítear toscairí i moil, nó ‘huddles’, i dtithe leanna agus in óstáin timpeall an bhaile. Beidh cathaoirleach ar na ‘moil’ seo chun tús a chur leis an bplé ach fágfar fúthu féin ábhar an phlé sin trí cur i láthair 10 nóiméad ó rannpháirtithe sa ‘mhol’. Sannfar na ‘moil’ seo go randamach ionas go mbeidh tú caite isteach le daoine nach bhfuil aithne agat air. Bíonn d’obair baile déanta agat roimh ré mar tá na páipéir go léir léite agus aithne curtha agat ar na daoine atá le freastal ar an gcomhdháil. Mar a scríobhann toscaire amháin, Bernie Goldbach: “Just as Eoin Kennedy, the clever organiser had anticipated, the ‘blog papers’ were more compelling than blanket promotions.

Congregation

Ceann amháin a léimeann amach domsa go dtí seo (agus tá neart fós le léamh agam roimh an Satharn) ná an páipéar a scríobh Evelyn O Connor, oide meánscoile, faoin úsáid a bhaineann sí as meán sóisialta sa seomra ranga. B’fhiú go mór a mír spreagúil a léamh. Congregation

Má tá tú ag iarraidh blaisín den lá mar a bhí breathnaigh ar #congregation13 ar

Twitter, ar FacebookGoogle+.

RSS FREAGRAÍ NA LÉITHEOIRÍ  

© Oideas Gael, 2010. Cosc ar chóipeáil. Ní gá go mbeadh na tuairimí a nochtar i mBeo! ar aon dul le tuairimí na bhfoilsitheoirí. Suíomh cóirithe ag MBM. Úsáidtear grafaicí de chuid Fam Fam Fam agus Wikimedia Commons ar an láithreán seo.