Is fada sráidbhailte na Gaeltachta ina gcrann taca ag teanga na Gaeilge. Anois, san aon léim amháin, tá caint agus nuacht na nGael i ndiaidh dul i mbéal pobail sráidbhaile eile, is é sin, ‘sráidbhaile an domhain’, mar is minic a thugtar air. Is fada taithí againn gurb iad pobail an Bhéarla agus teangacha domhanda eile amháin a bhíonn ag caint lena chéile trína leithéidí d’ollmheáin fhíse agus leictreonacha ach, le blianta beaga anuas, is suntasach mar atá fáil na mionteangacha ar acmhainní an idirlín imithe i méid agus anois tá an meáisín míorúilteach céanna i ndiaidh sinne, Gaeilgeoirí, a chur faoina chomaoin arís.
Delicious
Facebook
Stumple Upon
Digg
Reddit
Ós rud é gur thosaigh Oideas Gael corradh agus 15 bliana ó shin ar láthair fhisiciúil Ghaeltachta ag cothú cumarsáide i measc muintir dhomhanda na Gaeilge is rí-oiriúnach mar scéal é go bhfuil an eagraíocht sin i dtús cadhnaíochta le cabhair ó láthair neamhfhisiciúil ag cur saol fada, leitheadach Gaeilge ár linne, idir chainteoirí agus fhoghlaimeoirí, i dteagmháil le chéile ar bhealach nár tharla ná nach bhféadfadh tarlú cheana. Fáiltím ó chroí roimh an choiscéim chinniúnach seo agus guím gach rath ar fhoireann agus ar léitheoirí na hirise tábhachtaí seo.
Seosamh WatsonCathaoirleach Oideas Gael, agus Ollamh le Nua-Ghaeilge agus Déan Dhámh an Léinn Cheiltigh, An Coláiste Ollscoile, Baile Átha Cliath