Stone

(tar éis Kathleen Clarke a fheiscint

in agallamh teilifíse a thug sí i 1966)

Stone, teist na mná eile uirthi

nuair a dúirt gurbh é an bás a bhí i ndán dá fear

an tráth a chuireadar fios uirthi

go dtí Cill Mhaighneann.

"Ní cheapann tú go mbeadh na Sasanaigh chomh cineálta liom’,

a dúirt sí, ‘agus faill a thabhairt dom slán a rá

mara mbeidís ach á sheoladh achar gearr?’

‘Stone’, a dúirt sí.

Do chlocha do do shórt Kathleen

is ea a thógtar poblachtaí.