Beo! (freagraí ar: Athmhúscailt Cheist na Gaeilge Éigeantaí)

Mairtín

Mon, 25 Feb 2013 15:46:56 GMT

*thabharfadh sé

Mairtín

Mon, 25 Feb 2013 15:38:23 GMT

Tá sé ar nós ábhar breise a dhéanamh sa Bhreatain Bheag, mar sin bheadh pointí breise ar fáil. Agus thabharfadh siad aitheantas breise fosta dóibh siúd a bhaineann ardchaighdeán Gaeilge amach sa earnáil Ghaeloideachais.

Finín

Mon, 25 Feb 2013 15:08:10 GMT

An mbíonn pointí breise ar fáil?

Mairtín

Mon, 25 Feb 2013 14:27:28 GMT

Dá mbeadh sé i bhfeidhm anseo bheadh sé ar nós Mata agus Mata breise. Bheadh scrúdú atá ag an leibhéal ceart dóibh siúd atá ag foghlaim na Gaeilge i scoileanna Bhéarla leis an bhéim ar chumarsáid don chuid is mó, agus bheadh cáilíocht breise do lucht na nGaelcholáistí.

D'fheicfeá daltaí ag teacht amach le Gaeilge níos fearr sa dá earnáil.

Mairtín

Mon, 25 Feb 2013 14:21:09 GMT

Bíonn dhá cháilíocht dhifriúla acu:

An Bhreatnais mar chéad theanga dóibh siúd atá ag fáil a n-oideachais trí mheán na Breatnaise nó a bhfuil Breatnais acu cheana féin. (Le hobair níos dúshlánaí)

Agus

An Bhreatnais mar dara theanga (a dhéanann gach duine), dírithe orthu siúd i scoileanna Bhéarla [dírítear ar na príomhscileanna den chuid is mó]

Ciallaíonn sé go mbíonn daltaí á dteagasc ag an leibhéal ceart.

Déanann gach duine scrúdú béil ag Leibhéal GCSE (i.e. Teastas Sóisearach fosta)

Finín

Mon, 25 Feb 2013 08:18:28 GMT

Cén chóras atá acu sa mBreatain bhig?

Mairtín

Sun, 24 Feb 2013 20:40:31 GMT

I ndiaidh dom a bheith ag teagasc ó Thuaidh agus ó Theas, ní dóigh liom féin gurb é an tÉigeantas an fhadhb. Síleann daltaí sna gnáthscoileanna ó Dheas go bhfuil an Ghaeilge deacair, agus ní nach ionadh - tá an córas scrúdaithe agus siollabas Gaeilge ó Dheas ina bhac do scoláirí an teanga a fhoghlaim.

Nuair nach ndéantar scrúdú béil don Teastas Sóisearach, agus le barraíocht béime ar chúrsaí litríochta nuair nach bhfuil scileanna cumarsáide bunúsacha ag daltaí, ní aon ionadh é nach mbaineann siad taitneamh as.

Luíonn cuid mhór den fhadhb leis an dóigh a bhfuil siad ag iarraidh an dá thrá a fhreastal idir daltaí ó gnáthscoileanna agus daltaí ó na Gaelcholáistí sa scrúdú céanna - ní fhoireann sé do dhuine ar bith. Amharc ar thaithí na Breataine Bige le haghaidh córas ceart.

Mairtín

Sun, 24 Feb 2013 20:38:39 GMT

I ndiaidh dom a bheith a teagasc ó Thuaidh agus ó Theas, ní dóigh liom féin gurb é an tÉigeantas an fhadhb. Síleann daltaí sna gnáthscoileanna ó Dheas go bhfuil an Ghaeilge deacair, ach ní nach ionadh - tá an córas scrúdaithe agus siollabas Gaeilge ó Dheas ina bhac do scoláirí an teanga a fhoghlaim.

Nuair nach ndéantar scrúdú béil don Teastas Sóisearach, agus le barraíocht béime ar cúrsaí litríochta nuair nach bhfuil scileanna cumarsáide bunúsacha ach daltaí, ní aon ionadh é nach mbaineann siad taitneamh as.

Luíonn cuid mhór den fhadhb leis an dóigh a bhfuil siad ag iarraidh an dá thrá a fhreastal idir daltaí ó gnáthscoileanna agus daltaí ó na Gaelcholáistí sa scrúdú céanna - ní fhoireann sé do dhuine ar bith. Amharc ar thaithí na Breataine Bige le haghaidh córas ceart.

Finín

Sun, 24 Feb 2013 16:27:51 GMT

Ba cheart éirigh as an éigeantas a Eoin agus b'fhéidir go mbeadh suim ag daoine an teanga a fhoghlaim ar son an phléisiúir. Níl ag éirí leis an bpolasaí seo ergo faigh réidh leis

Eoin

Sun, 24 Feb 2013 12:36:58 GMT

cúpla pointe; léiríonn Breandán go simplí an toradh a bheadh ar dheireadh le héigeantas. Seafóid atá ann creidiúint nach dtitfeadh an tóin as cúrsaí gan mhoill. Níl aon amhras ach go mbrúfaí amach tuilleadh í ina dhiaidh sin chomh maith.

Míle buíochas as seo a chur ar ár súile, is gá brú a chur ar a leithéid de aineolas.

Cruthaíodh gur sna Gaelscoileanna is fearr a éiríonn le páistí sa Mhata, Gaeilge agus Béarla, fiú nuair a mheastar de réir aicmí soceacnamaíochta iad, ba chóir go mbeadh an Ghaelscolaíocht ar fáil do 100% den tír, agus go mbeadh scoil Bhéarla mar rogha thánaisteach ag an mórphobal.

Is minic go ndeirtear gur theip ar an bpolasaí sin agus mar sin gur chóir éirí as, má bhí maitheas leis cheana is ma mheastar maitheas leis an nGaeilge fós (mar a mheasann an chuid is mó den phobal nuair a iarrtar orthu) ba chóir í a chur chun cinn. Ní éirítear as ospidéil a chur ar fáil toisc go bhfuil córas na slainte ina chíor thuathail!

N'fheadar bhfuil aon ghaol ag an bhfear seo le Seán Flynn an Irish times?

Sadhb

Thu, 21 Feb 2013 15:28:14 GMT

Sin é m'ainm a Thaca glic

Taca an tSéimhithe

Thu, 21 Feb 2013 14:51:34 GMT

Syb nó Sive?

Sadhb

Wed, 20 Feb 2013 17:07:49 GMT

Glacaim leis mar sin a Chiaráin go bhfuil tú ar aon fhocal liomsa gur cheart deireadh a chur leis an gceangaltas Gaeilge?

Ciarán

Wed, 20 Feb 2013 12:21:04 GMT

An chúis nach bhfuil Gaeilge á foghlaim i gceart ag mic léinn ná nach an Stát féin á húsáid mar uirlis riaracháin, sa chaoi chéanna agus a bhaineann tíortha eile leas as a dteangacha féin. Nuair a bhaineann tír leas as a teanga féin, bíonn an riachtanas ann a bheith líofa sa teanga sin. An toradh: poist sa bhaile, idir an stát agus an earnáil phríobháideach, mar sin bíonn brú ar na daltaí a bheith maith sa teanga sin. Bíonn GÁ le táirgí agus seirbhísí a chur ar fáil go háitiúil. Níl an gá sin in Éirinn: ceannaímid na rudaí i bunúsaí ó Shasana.

Bunaíodh an córas oideachais chun daoine "oilte" a chur ar fáil don Impireacht, sé sin don eisimirce, agus níl athrú ar bith air ó shin. Is léir gur tábhachtaí an Béarla ná ábhar AR BITH eile don Roinn Oideachais: tá siad fós ag iarraidh a chur ina luí ar na Sasanaigh go bhfuilimid lán chomh leo siúd ag a dteanga, amaidí amach is amach. Ní fada anois nach mbeidh gá againn leis an Roinn féin. Déanfar iadsan a eisfhoinsiú go dtí Mórthír sar i bhfad.

Donncha

Tue, 19 Feb 2013 21:56:49 GMT

Ó mo thaithí sa tríú leibhéal, bíonn na bainisteoirí oideachais ag iarraidh go mbeidh an céatadán is airde ag fáil pas, mar íoctar na coláistí ag braith ar an líon macléinn. Duine ar bith ar an bhfoireann a bhíonn ag iarraidh caighdeán a chosaint, ní bhreathnaítear go fábharach orthu ach a mhalairt. Sin é an fhadhb.

S Ní C

Tue, 19 Feb 2013 09:48:43 GMT

I gcead duit a Chiaráin nach fútsa atá sé a chinntiú go mbíonn múinteoirí le dealramh ag daoine cosúil le fear an chuntas Beatha? Is sibhse atá ag bronnadh céimeanna ar dhaoine gan Ghaeilge.

J Alfred Prufock

Mon, 18 Feb 2013 09:23:32 GMT

Vicious circle mar a déarfá. Níl aon Ghaeilge ag mic léinn Chiaráin agus is iadsan a bhíonn ag múineadh an ghlúin óg. Aon réiteach?

sceolann

Sat, 16 Feb 2013 20:57:55 GMT

Aontaim ar fad leat a Chiarain (faraoir nil teacht agam ar aon tseimhiu ar an riomhaire seo). Ach chomh fada le m'eolas, no sin a deirtear liom, ta an rud ceanna fior o thaobh na dteangacha eile san Ollscoil, agus an Bearla san aireamh. Cad bhionn ar siul ag na muinteoiri sna bunscoileanna agus sna meanscoileanna? An mbionn aon mhuinteoireacht ar siul a thuilleadh acu?
Airitear 'aos og ard-oilte' mar cheann de na buntaisti ata againn chun comhlachtai idirnaisiunta a mhealladh chun na tire seo!!

Ciarán Ó Coigligh

Fri, 15 Feb 2013 08:54:04 GMT

Sheol céimí le Gaeilge Cuntas Beatha (CB) chugamsa an tseachtain seo caite. De réir an CB ghnóthaigh an mac léinn seo A1 sa nGaeilge i scrúdú na hArdteistiméireachta. B'éigean dom ceathracha nóiméad (40) a chaitheamh ag ceartú a raibh de dhearmaid Ghaeilge sa gCuntas Beatha céanna. Tá céimeanna onóracha á ngnóthú ag mic léinn ollscoile nach bhfuil in ann a
n-ainm a litriú go cruinn i nGaeilge. Déarfainn go bhfuil fiche faoin gcéad ar a laghad d'ábhar múinteoirí i gColáiste Phádraig a bhfuil Gaeilge thar a bheith lag acu. Sin an ceathrú cuid. Tá grád onóracha san Adteist acu siúd uile. Ní thagann feabhas ar bith ar a bhformhór i gcaitheamh na dtrí bliana ollscoile, faraor. Scríobh mise faoi na nithe seo cheana ar Fhoinse agus labhair mé ina dtaobh ar RNG ach níor tugadh aird dá laghad orm. Éiríonn le mic léinn go leor céim onóracha a bhaint amach gan a oiread agus leabhar Gaeilge amháin a léamh. D'admhaigh mic léinn a bhí ag gabháil do MA sa nGaeilge an méid sin. Tá an ceart ag Donal Flynn i dtaobh a thubaistí a bhí an iarracht athbheochana agus ní fiú a bheith ag caitheamh anuas air i ngeall ar an leagan amach diúltach atá aige ar an teanga. Ba chóir labhairt le Donal Flynn agus a leithéid eile agus féachaint le teacht ar chomhthuiscint faoi iarracht caomhnaithe agus forbartha teanga a bheadh inghlactha ag aicmí éagsúla an phobail ó thuaidh is ó dheas. Tá comharthaí dóchais ó thuaidh i measc an phobail Aontachtaigh Phrotastúnaigh. Luaim go háirithe na hiarrachtaí atá ar siúl ag an Eaglais Phreispitéireach agus Eaglais na hÉireann i mBéal Feirste. Is suntasach an rud gur teagmháil ar bhonn creidimh is ciontsiocair leis na léasanna dóchais seo a theacht ar an saol ag am a bhfuil dreamanna go leor ar a mine géire ag iarraidh an Creideamh a ruaigeadh as scoileanna an stáit ó dheas. Féach thuas a ndúirt an tAire Oideachais agus Scileanna. Is mise, le gach uile bheannacht, Ciarán Ó Coigligh

Damhnait

Thu, 14 Feb 2013 20:21:29 GMT

Ní haon ionadh go bhfuil sé furasta ardmharcanna a fháil sa Ghaeilge. Tá aithne agam ar dhaoine a fuair B sa Ghaeilge san ardteist agus nach bhfuil ar a gcumas dhá abairt a chur le céile da gcuirfeá ceist orthu. Molaim alt Bhreandain agus ba shuim liom an chomparáid a rinne sé le hAlbain. Ta sé thar am tabhairt ar mhúínteoirí bunscoile ábhar amháin , corpoideachas nó líníocht a mhúineadh trí mheán na Gaeilge chun go gceanglódh na paistí an teanga le rud a mbaineann siad sult as.

Máire

Thu, 14 Feb 2013 13:54:33 GMT

Alt an-mhaith ar fad, a Bhreandáin. Mise ag fanacht ar an leabhar a thabharfaidh faoi na cúiseanna nach bhfuil éirithe le polasaí oideachais an Stáit i leith na Gaeilge, maraon le moltaí conas é a fheabhsú/chur ina cheart! Díol spéise a bheadh ansan!

Conchúr

Tue, 12 Feb 2013 11:34:49 GMT

Ach sin an fhadhb, tá an córas briste. Braitheann sé ar cad atá tú ag iarraidh ón chóras. Má tá tú ag iarraidh go mbeidh líofacht níos fearr ag daltaí, go mbeidh meon dearfach acu ar an teanga agus go mbeidh siad in ann an teanga a úsáid amach anseo, caithfidh an córas athrú.

Ag an nóiméad tá an bhéim ar fad ar aistí a fhoghlaim de ghlanmheabhair. Má tá duine maith ag na leithid tá seans acu marcanna arda a fháil. Ach cén sórt scileanna teanga atá acu, agus cé chomh sultmhar is a bheidh sé. Is i scoileanna Bhéarla atá an fhadhb ach go háirithe - fágann an iomarca gan scileanna ginchumas sa teanga agus tá an milleán ar an gcóras. Is maith liom an smaoineamh thuas ar dhá cháilíocht dhifriúla – tá ciall leis.

Turner

Tue, 12 Feb 2013 11:08:11 GMT

Alt spéisiúil in Irish Times an lá inniu. sí an Ghaeilge an tarna ábhar is simplí san Ardteist agus is í an tarna ábhar is mó a ghnóthaíonn marcanna arda do mhic léinn san Ardteist. QED if it ain't broke don't fix it.

Páid Ó Donnchú

Sat, 09 Feb 2013 10:55:17 GMT

Duine ar bith a bhfuil in ann 'gaeilgeoir' a scríobh i gceart, annamh go maith fiú amháin i measc na nGael, is Gaeilgeoir é nó í. Troll. Cá bhfuil mo dhuais €100?

LFMista

Sat, 09 Feb 2013 08:42:36 GMT

Typical gaeilgeoir. As soon as you open your beal with a positive critique they jump down your throat. Face the ceoil mate

Páid Ó Donnchú

Fri, 08 Feb 2013 23:25:05 GMT

Chomh marbh sin go bhfuil tú anseo ag tabhairt do thuairim.

LFMista

Fri, 08 Feb 2013 16:03:53 GMT

It's a marbh language that should be buried gracefully in ainm Dé

Mí-shona

Thu, 07 Feb 2013 19:04:05 GMT

Beidh sé ann an mhí seo chugainn is dóigh

Harpic

Thu, 07 Feb 2013 19:03:25 GMT

Suimiúil go leor a Bhreandáin ach bhí mé ag súil agus ag dúil le halt faoi Ghaelscéal uait. Le bheith firinneach bhí mé ag súil agus ag dúil le halt faoi Ghaelscéal áit éigin ar Bheo. Cá bhfuil sé?

Ultan

Thu, 07 Feb 2013 19:01:20 GMT

An bhfuil sin ar seo go fóill a Rob?
Ps brón orm faoin drochlitriú sa teachtaireacht thuas?

Rob

Thu, 07 Feb 2013 08:40:36 GMT

Nach fearr sin ná a bheith ag foghlaim sleachta as Peig de ghlac (sic) mheabhair?

Ultan

Thu, 07 Feb 2013 08:38:25 GMT

Is ea ach níl ag éirí leis na marcanna breise don scrúdú béil don ardteist. Níl na daltaí ach ag foghlaim seachtain de ghlac mheabhair.

Pól

Wed, 06 Feb 2013 23:24:15 GMT

Agus an t-alt seo freisin.

http://www.independent.ie/opinion/letters/tongue-twisted-26843341.html

- Daltaí a mhúineadh ag an leibhéal ceart le dhá cháilíocht dhifriúil do fhoghlaimeoirí a bhfuil an Ghaeilge acu mar chéad teanga agus mar dhara theanga
- Scrúdú béil éigeantach ag leibhéal an Teastais Shóisearaigh
Tá sé uilig le ciall. Cén fáth nach féidir linn na rudaí simplí seo a dhéanamh as nós tíortha eile?

Pól

Wed, 06 Feb 2013 23:09:32 GMT

Féach ar an alt seo - moltaí ciallmhara le seans a thabhairt do mhúinteoirí an Ghaeilge a mhúineadh i gceart. Tá an córas reatha lochtach, ach tá réiteach simplí go leor ann.

http://foinse.ie/eagarfhocal-a-litreacha/litreacha/3722-na-fadhbanna-a-bhaineann-le-teagasc-na-gaeilge

Colin Ryan

Sun, 03 Feb 2013 08:02:30 GMT

Tá sé thar am múineadh na Gaeilge a fheabhsú, gan dabht, agus gan breis ábhar cáinte agus clamhsáin a thabhairt do naimhde na teanga. Tá praiseach á déanamh den scéal le hochtó bliain anuas, agus ní fiú teanga ar bith a mhúineadh mar sin. Is í Roinn Oideachais na hÉireann an namhaid is measa, b'fhéidir. Mar Astrálach, táim sásta réiteach (nó neamhréiteach) an scéil a fhágáil faoi na hÉireannaigh féin, ach fágann múineadh ciotach na Gaeilge in Éirinn a rian ar shaothrú na teanga ar fud an domhain.