Maidir le madraí is eile, nílim ag iarraidh a bheith greannmhar ach an bhfuil aon fhiacla dáiríre ag Cumann na hÉireann um Fhóirithint ar Ainmhithe? Féach an ainíde a tugadh le gairid ar an searrach bocht sin sa Ghaillimh agus páistí óga ag faire is ag foghlaim na ceirde? Agus an ainíde 'inghlactha' ag rásaí Chluain Mheala inar maraíodh 5 chapall (sea!) in aon lá amháin. Rinne an 'Irish' Independent mór is fiú den gcéad uafás ach ní raibh gíocs astu faoin dara ceann. Táthar ag caint ar na sulcaithe a chur fé chois (!) ach tá rásaí na mbréaguaisle ceart go leor agus fiúntach i gcónaí. Tá an dlí ann, deirtear linn, ach is leír ná fuil sé á chur i bhfeidhm. Tá cnaí anama is croí ag baint le pobal daoine a ghlacann leis an mbarbarthacht seo.