Rogha na Míosa

Is mór an trua go bhfuil an “spórt” imithe as spórt, dar le Colm Mac Séalaigh. Caitheann sé a shúil siar ar a óige féin agus an bhéim a cuireadh ar rannpháirtíocht agus ar thaitneamh ar an bpáirc imeartha.

Más gar do dhuine dearadh a chóta is gaire dó ealaín a léine. Shiúil Mícheál Ó hAodha trasna teorainn an dá aicme, aos ealaíne agus aos deartha éadaí, le tuiscint a fháil ar an scéal.

Tá Reuben Ó Conluain ag tarraingt ar Festival Interceltique Lorient, Féile idir-Cheilteach sa Bhriotáin, le cúig bliana déag anuas. Déanann sé cur síos anseo ar fhéile na bliana seo, an 31ú, a bheidh ar siúl idir 3-12 Lúnasa.

Fuair Seán Ó Tiarnaigh bás in Staten Island, Nua-Eabhrac ar an 28 Bealtaine, bliain i ndiaidh dó obráid a bheith aige le siad urchóideach ina inchinn a scrios. Féachann Éamonn Ó Dónaill siar ar shaol an fhir seo a d’fhág a cheantar dúchais i Maigh Eo sna caogaidí agus ar éirigh leis oiread a bhaint amach le linn na mblianta fada a chaith sé i Meiriceá.

Beidh spárálaí scáileáin de ghrianghraif as ceantar Gaeltachta le fáil i ngach eagrán de Beo. An mhí seo: Conamara.

Déanann Liz Curtis cur síos an mhí seo ar dhá thuras a ndeachaigh sí orthu agus í ag freastal ar chúrsa teanga san Iodáil.

An duine óg, fuinniúil, siúlach, a cailltear i dtaisme bóthair is nach n-áirítear go hoifigiúil ach mar mhír staidrimh, mairfidh cuimhne ar a láiche is ar a luach go brách i measc a muintire féin, ní a thuigeann Máiréad Uí Shúilleabháin, comharsa Catherine Foley.

Tugann Colm Mac Séalaigh a chuid tuairimí maidir le himeacht tobann Roy Keane of Manchester United an mhí seo caite.

Rith sé le Colm Ó Snodaigh le déanaí go bhfuil ceangal an-lag idir Éire agus an Bhriotáin ach tá iarracht á déanamh aigesean faoi láthair feabhas a chur ar chúrsaí.

Tá 35 bliain caite ag Donncha Ó hÉallaithe, ag múineadh in Institiúid Teicneolaíochta Gaillimh agus Maigheo. Tá sé éirithe as le mí anuas. Ag tosnú san eagrán seo, beidh sé ag roinnt a chuid tuairimí le léitheoirí Beo faoi cúrsaí an tsaoil. An mhí seo, míníonn sé cén fáth a bhfuil sé i bhfábhar táillí Ollscoile a ghearradh ar mhic léinn tríú leibhéal !

Tá an-dochar á dhéanamh don chomhshaol i nGleann Cholm Cille in iardheisceart Dhún na nGall, rud atá ag goilliúint go mór ar Tony Birtill.

Fuair Pat Butler deis an scannán Images (1972) le Robert Altman, an stiúrthóir a fuair bás i mí na Samhna, a fheiceáil i mBaile Átha Cliath arís le déanaí. Tugann sé a léamh féin ar an scannán agus ar Altman mar ealaíontóir san alt seo.

Bronnadh Oscar ar Marketa Irglova agus ar Glen Hansard ag deireadh mhí Feabhra dá n-amhrán “Falling Slowly” ón scannán [i]Once[/i]. An scéal ó Chaoimhe Ní Laighin. Tá an t-alt seo dírithe ar dháltaí Ardteistiméireachta ó thaobh leibhéal deacrachta na teanga de.